العالمي : انخفاضات بالجملة.. سر تراجع أسعار السلع في الأسواق

في الساعات الأخيرة، أسعار السلع الغذائية الأساسية شهدت انخفاض ملحوظ، وسجلت في أسواق التجزئة تراجع في الأسعار، ودع بيجي في ظل استمرار الحكومة في اتخاذ العديد من الإجراءات لضبط الأسواق والأسعار

واللي حصل إن في 15 سلعة أساسية انخفضت أسعارها في الأسواق، وفقًا لبوابة الأسعار العالمية والمحلية التابعة لمجلس الوزراء، وهي زي الفول والمكرونة والجبنة والعدس والشاي وغيرها.

وسجل متوسط سعر كيلو الفول المعبأ نحو 58.82 جنيه للمستهلك بتراجع 2.29 جنيه، والمكرونة المعبأة 400 جرام نحو 18.27  جنيه بتراجع 13.49 جنيه.

ووصل متوسط سعر كيلو الشاي 235.76 جنيه للمستهلك، بتراجع نحو 8.68 جنيه، وكيلو العدس المعبأ «الصحيح» 60.32 جنيه للمستهلك، بتراجع 4.22 جنيه، وكمان عبوة زيت الذرة الـ1 لتر 94.73  جنيه للمستهلك بتراجع 7.72 جنيه، وكيلو الجبن الأبيض 133.9 جنيه بتراجع 0.93 جنيه للمستهلك.

كمان، سجل متوسط سعر الذرة الصفراء 882.62 جنيه للشيكارة بتراجع نحو 119.71 جنيه، وكيلو الدقيق المعبأ نحو 25.28 جنيه للمستهلك بتراجع 1.1 جنيه، وزيت عباد الشمس اللتر بسعر 76.07 جنيه للمستهلك بتراجع 10.65 جنيه، والبيض البلدي/ بيضة واحدة ب 6.45 جنيه، ونزل السعر للمستهلك بتراجع 0.18 جنيه، عشان تسجل الكرتونة 176.8 جنيه للمستهلك بتراجع 5.38 جنيه.

اما بالنسبة للحوم، فبلغ متوسط سعر اللحوم الطازجة للكيلو 387.05 جنيه للمستهلك بتراجع 9.45 جنيه، والفراخ الطازجة للكيلو سجلت 106.45 جنيه للمستهلك بتراجع 0.23 قرش.

ضيف للقايمة السمسم الأبيض، وانخفض سعر الكيلو عشان يسجل 148.19 جنيه للمستهلك بتراجع 18.14 جنيه، والذرة البيضاء للطن نحو 15272.37 جنيه للمستهلك بتراجع 735.96 جنيه.

ونقدر نقول إن التراجع في أسعار السلع دي بيعتبر مؤشر إيجابي جدا، هدفه ضبط السوق وتسهيل الحياة على المواطن البسيط، وده بعد ما حصلت ارتفاعات أو زيادات متتالية في أسعار السلع خلال السنوات الأخيرة.

كمان، ده مؤشر قوي بيؤكد إن الحكومة عارفة الأزمات ، عشان كده بتحارب الغلاء بطرق كتير، منها تخفيض الأسعار، واللي هو نفسه بيشير إلى أن السوق متشبع من السلع الاستراتيجية اللي كلنا بنحتاجها وبنستهلكها كل يوم، وإن احتياطي السلع دي آمن جدا ومتوافر بأسعار معتدلة ومنخفضة عشان تناسب جميع المواطنين.